«Арсенал»нинг собиқ ҳужумчиси Тьерри Анри «канонирлар» форварди Виктор Дьокерешнинг ҳозирги ўйини ҳақида фикр билдирди.
«Дьокерешни бундай ҳолатда кўриш менга оғир. У ҳамма нарса йўқолгандек ўйнаяпти. Гўё таслим бўлган, умидини йўқотгандек кўринади. Уни кўрганимда доим ўзимдан «Нима нотўғри кетди?» деб сўрайман», — дея Анрининг сўзларини Arsenal News келтирди.
Дьёкереш жорий мавсумда барча мусобақаларда 4 та ўйинда майдонга тушди, аммо ҳозирча гол ҳам, голли узатма ҳам қайд этгани йўқ.
«Арсенал» швециялик ҳужумчини 2025 йил ёзида «Спортинг»дан қарийб 67 миллион еврога сотиб олган эди. Унинг Лондон клуби билан шартномаси 2030 йилга қадар мўлжалланган.
