Антони Марсьяль Ливиянинг «Ал-Иттиҳод» клубидан тушган катта молиявий таклифни рад этди.

Foot Mercato маълумотига кўра, Триполи клуби 30 ёшли французга икки йиллик шартнома ва шу давр учун солиқлардан ташқари жами 10 миллион евро маош таклиф қилган. Бундан ташқари, футболчига шартнома имзолаш бонуси сифатида яна 5 миллион евро бериш режалаштирилган.

Бироқ Марсьяль ҳозирги босқичда молиявий шартлардан кўра спорт лойиҳасини устун қўяётгани сабабли бу таклифни қабул қилмаган.

Айни пайтда ҳужумчи мустақил равишда жисмоний ҳолатини сақлаб турибди ва Ла Лигада иштирок этаётган «Малага» билан музокара олиб бормоқда. Манбага кўра, музокаралар анча илгарилаган ва трансфер яқин кунларда амалга ошиши мумкин.

Марсьяль ёз бошида Мексиканинг «Монтеррей» клуби билан шартномасини муддатидан олдин бекор қилган эди. У ўтган мавсумда жамоа сафида 20 та ўйин ўтказиб, 1 та гол урган.

Шунингдек, француз футболчиси аввалроқ Франция Лига 1 клубларидан тушган иккита аниқ таклифни ҳам рад этган. Бунга унга етарли ўйин амалиёти кафолатланмагани сабаб бўлган.