Лондоннинг «Арсенал» клуби ярим ҳимоячиси Микель Мерино Англия Лига кубогининг «Ипсвич Таун»га қарши (4:2) ўйинида жамоа сардори бўлгани ҳақида фикр билдирди. Мерино ушбу учрашувда гол ҳам урди.
«Мен учун бу жуда катта шараф. Бундай мақомда клуб шарафини ҳимоя қилиш ва сардорлик боғичини тақишдан жуда фахрланаман — ахир мендан олдин бу боғични кўплаб афсоналар тақишган. Мен бахтлиман ва клуб шарафини муносиб ҳимоя қилиш учун қўлимдан келган барча ишни қилишга ҳаракат қиламан. Бу боғични тақиш нимани англатишини жуда яхши тушунаман, шунинг учун чинакам хурсандман.
Менинг голим жарима майдони олдидаги яхши жамоавий ҳаракатларнинг натижаси бўлди: тўпни қабул қилиб олгач, уни биринчи тегинишда яхши назорат қилдим ва дарвозабон етиб бора олмайдиган тарзда зарба бердим. Бундан жуда-жуда хурсандман — ҳар доим гол уриш ёқимли, ва мен гол уришда давом этмоқчиман», — дея Меринонинг сўзларини клубнинг расмий сайти келтирди.
