Осиё чемпионлар лигаси-2 мусобақаси "А" гуруҳи 1-тури доирасида «Насаф» сафарда Баҳрайннинг «Ал-Холидия» жамоасига қарши майдонга тушди. Баҳсда жамоалар дарвозалар дахлсизлигини сақлаб қолди — 0:0.

Учрашувнинг дастлабки дақиқаларида эҳтиёткорлик устун бўлди. 25-дақиқаларга келиб эса ўйин суръати ошди. «Насаф» футболчиси Рустамовнинг кучли зарбасини рақиб дарвозабони қайтариб қолди.

Кўп ўтмай, «Ал-Холидия» ҳам хавфли ҳужум ташкил қилди. Бироқ «Насаф» дарвозабони Умарбек жамоасини қутқариб қолди.

Танаффусдан кейин ҳам жамоалар узоқ вақт давомида аниқ голли вазият ярата олмади. 58-дақиқада «Насаф» дарвозабони Абдувоҳид муҳим сейв қайд этиб, рақибнинг хавфли ҳужумига нуқта қўйди.

Бироз ўтиб, «Насаф» жавоб ҳужумида голга яқин келди. Эшмуродовнинг зарбасидан сўнг тўп дарвоза тўсини устидан ўтиб кетди.

Учрашувнинг 75-дақиқаларида яна бир қисқа «cooling break» эълон қилинди. Шундан сўнг «Насаф» таркибида ўзгаришлар амалга оширилди: Комилов ва Абдихолиқов майдонни тарк этди, уларнинг ўрнига Бердираҳмонов ва Отубанжо тушди.

Иккинчи бўлимга қўшиб берилган дақиқаларда қаршиликлар яхши ҳужум ташкил этишди, аммо комбинация аниқ зарбагача етиб бормада. Шу тариқа учрашувда ҳисоб очилмади.

ОЧЛ-2. "А" гуруҳи, 1-тур. 16 сентябрь.
«Ал-Холидия» - «Насаф» - 0:0
«Насаф»: Абдуқоҳид Неъматов, Алибек Давронов, Акром Комилов, Ғолиб Ғайбуллаев, Аденис Шала, Зафар Абдураҳматов, Бобур Абдухолиқов, Шароф Муҳитдинов, Ойбек Рустамов, Аббос Ғуломов, Умарбек Эшмуродов