«Интер Майами» ва Аргентина терма жамоаси ярим ҳимоячиси Родриго Де Пауль «Олтин тўп» мукофоти яна бир бор Лионель Мессига топширилиши керак, деб ҳисоблайди.

39 ёшли ҳужумчи жаҳон чемпионатида ўзини кўрсатиб, Аргентина терма жамоасининг финалгача етиб боришига катта ҳисса қўшди. Месси турнирда саккизта ўйинда 8 та гол ва 4 та голли узатма қайд этди.

Пайшанба куни юлдуз футболчи фаолиятидаги 49-трофейини — Кампеонес кубогини қўлга киритди.

«Мен учун бу масалада ҳеч қандай баҳс бўлиши мумкин эмас. Ҳеч ким ҳеч қачон жаҳон чемпионатида бундай натижа қайд этмаган. Лео эса 39 ёшида бунинг уддасидан чиқди! У турли даврларнинг энг кучли футболчилари билан рақобатлашди ва жаҳон чемпионатининг энг яхши футболчисига айланди. Бу борада ҳеч қандай баҳс бўлиши мумкин эмас», — деди Де Пауль «Олтин тўп» ҳақидаги саволга жавобан.

Месси фаолияти давомида нуфузли индивидуал мукофотни тўққизинчи марта қўлга киритиши мумкин. Ғолибнинг номи 26 октябрь куни эълон қилинади.