«Inter Mayami» va Argentina terma jamoasi yarim himoyachisi Rodrigo De Paul «Oltin to‘p» mukofoti yana bir bor Lionel Messiga topshirilishi kerak, deb hisoblaydi.
39 yoshli hujumchi jahon chempionatida o‘zini ko‘rsatib, Argentina terma jamoasining finalgacha yetib borishiga katta hissa qo‘shdi. Messi turnirda sakkizta o‘yinda 8 ta gol va 4 ta golli uzatma qayd etdi.
Payshanba kuni yulduz futbolchi faoliyatidagi 49-trofeyini — Kampeones kubogini qo‘lga kiritdi.
«Men uchun bu masalada hech qanday bahs bo‘lishi mumkin emas. Hech kim hech qachon jahon chempionatida bunday natija qayd etmagan. Leo esa 39 yoshida buning uddasidan chiqdi! U turli davrlarning eng kuchli futbolchilari bilan raqobatlashdi va jahon chempionatining eng yaxshi futbolchisiga aylandi. Bu borada hech qanday bahs bo‘lishi mumkin emas», — dedi De Paul «Oltin to‘p» haqidagi savolga javoban.
Messi faoliyati davomida nufuzli individual mukofotni to‘qqizinchi marta qo‘lga kiritishi mumkin. G‘olibning nomi 26 oktyabr kuni e’lon qilinadi.
