«Милан» Европа Лигасидаги иштирокини «Бенфика»га қарши мағлубият билан бошлади. Португалиялик мутахассис Рубен Аморим шогирдлари ватандошларидан иккита гол қабул қилиб олди. Учрашувдаги мағлубият ҳақида Италия клуби ярим ҳимоячиси Алексис Салемакерс фикр билдирди.
«Биз ўйинга яхши тайёрландик, аммо бизга бироз характер етишмади. Энди нималар нотўғри кетганини таҳлил қилиб, хатоларимиздан сабоқ олишимиз ва уларни такрорламасликка ҳаракат қилишимиз керак. Бизда ҳеч қандай баҳона йўқ — ахир биз «Милан»миз. Биз ўйнашимиз ва гол уришимиз керак», — дея Салемакерснинг сўзларини pianetamilan.it нашри келтиради.
Эслатиб ўтамиз, Италия чемпионатида «Милан» бу мавсумда ҳали мағлубиятга учрамаган.
