«Milan» Yevropa Ligasidagi ishtirokini «Benfika»ga qarshi mag‘lubiyat bilan boshladi. Portugaliyalik mutaxassis Ruben Amorim shogirdlari vatandoshlaridan ikkita gol qabul qilib oldi. Uchrashuvdagi mag‘lubiyat haqida Italiya klubi yarim himoyachisi Aleksis Salemakers fikr bildirdi.
«Biz o‘yinga yaxshi tayyorlandik, ammo bizga biroz xarakter yetishmadi. Endi nimalar noto‘g‘ri ketganini tahlil qilib, xatolarimizdan saboq olishimiz va ularni takrorlamaslikka harakat qilishimiz kerak. Bizda hech qanday bahona yo‘q — axir biz «Milan»miz. Biz o‘ynashimiz va gol urishimiz kerak», — deya Salemakersning so‘zlarini pianetamilan.it nashri keltiradi.
Eslatib o‘tamiz, Italiya chempionatida «Milan» bu mavsumda hali mag‘lubiyatga uchramagan.
