Ўзбекистон U-16 ўсмир қизлар терма жамоаси Хитойнинг Нанкин шаҳрида бўлиб ўтаётган U-16 ўсмир қизлар ўртасидаги Осиё чемпионати 2-тур ўйинида Таиланд ўсмир қизлар терма жамоасига 0:3 ҳисобида мағлуб бўлди.

28 сентябрь куни Хитойнинг Нанкин шаҳрида ўсмир қизлар ўртасида U-16 ОЧ баҳслари 2-тур ўйинлари бўлиб ўтди. Гулнора Аъзамова бошчилигидаги Ўзбекистон U-16 қизлар терма жамоаси мусобақанинг 2-тур учрашувида Таиланд ўсмир қизлар терма жамоасига қарши майдонга майдонга тушди ва йирик 0:3 ҳисобида мағлуб бўллди. Шу тариқа, Ўзбекистон ўсмир қизлар терма жамоаси ОЧ баҳсларини гуруҳ босқичидаёқ якунлади.

Эслатиб ўтамиз, Нанкиндаги мусобақанинг «C» гуруҳидан жой олган Аъзамова шогирдлари 1-тур ўйинида 26 сентябрь куни Жанубий Корея терма жамоасига қарши майдонга тушиб 0:0 ҳисобида дуранг ўйнаган эди.

Маълумот учун, Осиё чемпионати финал босқичида жами 12 терма жамоа 4 гуруҳга бўлинган ҳолда иштирок этади. Гуруҳ ғолиблари тўғридан-тўғри ярим финалга йўлланма олишади. Осиё чемпионати финалчилари ва учинчи ўрин соҳиби эса, 2014 йили Коста-Рикада бўлиб ўтадган U-17 ўсмирлар ўртасидаги жаҳон чемпионати баҳсларига йўлланма олишади.

U-16 ўсмир қизлар ўртасидаги ОЧ. 2-тур, «C» Гуруҳи.
28 сентябрь. «Jiangsu Football» стадиони.
Ўзбекистон (U-16) - Таиланд (U-16) - 0:3
Голлар: Сожират (15), Чучуен (37), Жирапорн (68)
Огоҳлантириш: Мадина Юсупова (66)
Ўзбекистон (U-16): Лайло Тиловова, Шоҳида Тожиддинова, Дарина Федосенко (Самандарова 75), Анзиля Ермакова (С), Мафтуна Шойимова (Мадина Юсупова 46), Нилуфар Қудратова, Дилдора Нозимова (Умида Зоирова 53), Дилноза Бектемирова, Лианна Норбекова, Шодия Тошева, Севара Нормуродова.
Бош мураббий: Гулнора Аъзамова