«Реал»нинг собиқ футболчиси Гарет Бэйл Жозе Моуриньюнинг Мадрид клубига қайтганидан сўнгги фаолиятини юқори баҳолади ва португалиялик мутахассис бошчилигида жамоа янги совринларни қўлга киритишини исташини билдирди.
У Sky Sports News нашрига берган интервьюсида футболда вазиятлар жуда тез ўзгаришини ҳазиломуз тарзда таъкидлаб, Моуриньюни буюк мураббий деб атади.
«Моуринью яна “Реал”дами? Футболда энди ҳеч нарса ҳайратлантирмайди (кулади). Жозе — буюк мураббий. Унга катта муваффақиятлар тилайман. Умид қиламанки, улар бир нечта совринларни қўлга киритишади», — деди Бэйл.
Моуринью 2026/27 йилги мавсум олдидан расман «Реал» бош мураббийи лавозимига қайтди. Мадридликлар Ла Лиганинг дастлабки 6 турида 15 очко жамғарди. Жамоа сўнгги учрашувда «Эльче»ни мағлуб этди.
