Эркин агент сифатида Испаниянинг «Малага» клубига ўтиш арафасида турган Антони Марсьяль ёзги трансфер ойнасида Франциянинг «Лорьян» клубига ҳам таклиф қилинган.

30 ёшли ҳужумчи июнь ойида Мексиканинг «Монтеррей» клуби билан шартномасини бекор қилган эди.

«Менимча, трансфер ойнаси давомида бизга 400–450 нафар футболчи таклиф қилинди. Улар орасида анча кўп собиқ терма жамоа аъзолари ҳам бор эди. Масалан, Антони Марсьяль ҳам таклиф қилинган.

Катта клубларда ўйнаган футболчилар ҳам, ёшроқ ўйинчилар ҳам бор эди. Биз уларни тўғри саралашимиз керак эди. Аммо ўз томонимиздан қандай турдаги футболчиларни излаётганимиз борасида аниқ тасаввурга эга эдик», — деди «Лорьян» спорт директори Лоран Косьельни.