«Атлетико» дарвозабони Ян Облак жамоа Ла Лига чемпионлиги учун курашаётганини таъкидлади.

«Биз чемпион бўлишга ҳаракат қиламиз. Жуда кучли рақиблар — «Реал» ва «Барселона» билан рақобатлашяпмиз. Аммо «Атлетик», «Вильярреал», «Бетис» каби жамоалар ҳам бор.

Ҳар йили Ла Лигада ўйнаётган эканмиз, мақсадимиз ғалаба қозониш бўлади. Биз фақат Чемпионлар лигасига йўлланма олиш учун курашмаймиз», — деди Облак журналистларга.

Янги мавсумнинг дастлабки 6 турида «Атлетико» 13 очко жамғарди. Айни пайтда жамоа Испания чемпионати турнир жадвалида 4-ўринни эгаллаб турибди ва пешқадам «Барселона»дан 5 очко ортда қолмоқда.

20 сентябрь куни «Атлетико» Ла Лиганинг 7-турида ўз майдонида «Реал»ни қабул қилади.