Англия Премьер-лигасининг 5-тури доирасида Бирмингемнинг «Астон Вилла» клуби сафарда Лондоннинг «Тоттенхэм» жамоасига қарши майдонга тушади. Учрашув олдидан меҳмонлар бош мураббийи Унаи Эмери ўз фикрлари билан ўртоқлашди.
«Рақибимиз жуда катта салоҳиятга эга. Ўтган ёзда «Тоттенхэм» катта маблағ сарфлаб, кучли футболчиларни ўз сафига қўшиб олди. Ҳозир уларга ўзаро мослашиб олиш учун бироз вақт керак.
Бизни жиддий синов кутмоқда. Менинг фикримча, «Тоттенхэм» Премьер-лиганинг энг кучли тўрт жамоаси қаторида бўлиши керак», — дея Эмерининг сўзларини клуб матбуот хизмати келтирди.
«Тоттенхэм» — «Астон Вилла» учрашуви бугун, 19 сентябрь куни Лондонда бўлиб ўтади. Баҳс Тошкент вақти билан соат 16:30 да бошланади.
