Айни пайтда «Манчестер Юнайтед» бош мураббий Майкл Кэррикка ўринбосар излаётганини кўрсатувчи ҳеч қандай аломат йўқ. Ҳозирча 45 ёшли мутахассиснинг «қизил иблислар»даги иш ўрни кафолатланган. Бу ҳақда The Athletic хабар берди.

Манба маълумотига кўра, Кэррикнинг клубдаги келажаги бўйича қарор қабул қилишда муҳим роль ўйнайдиган «Манчестер Юнайтед» спорт директори Жейсон Уилкокс барқарорлик тарафдори ҳисобланади.

16 сентябрь куни «Манчестер Юнайтед» Англия Лига кубоги 1/16 финалида «Брайтон»га 2:3 ҳисобида мағлуб бўлди. Кэррик шогирдлари учрашув давомида 2:0 ҳисобида олдинда бораётган эди, аммо устунликни сақлаб қола олмади.

Англия чемпионатининг дастлабки тўрт туридан кейин «Манчестер Юнайтед» 4 очко жамғариб, турнир жадвалида 13-ўринни эгаллаб турибди.