«Ливерпуль» ярим ҳимоячиси Флориан Вирц Англия чемпионати доирасида «Борнмут»га қарши кечадиган сафар ўйини олдидан ўз кутилмалари билан ўртоқлашди.
«Адашмасам, у ерда бор-йўғи бир марта ўйнаганман ва бу жуда оғир кечган эди. Жамоадошларим ўйин мураккаб бўлишини айтишди, аммо Премьер-лигада бундай ўйинлар жуда кўп. Бизни шиддатли баҳс кутмоқда. Унга яхши тайёр бўлишимиз керак. Мураббийимиз рақибни жуда яхши билади, шу сабабли, эҳтимол, бизда кичик устунлик бўлиши мумкин», — деб келтиради Вирцнинг сўзларини мерсисайдликлар матбуот хизмати.
Англия Премьер-лигасининг бешинчи туридан ўрин олган «Борнмут» ва «Ливерпуль» ўртасидаги учрашув якшанба, 20 сентябрь куни бўлиб ўтади.
