«Атлетико» бош мураббийи Диего Симеоне Адемола Лукман Ла Лигада «Реал»га қарши бўладиган учрашувда жамоанинг муҳим тактик қуролларидан бири бўлишини таъкидлади.
«У бизда кўп учрамайдиган ўзига хос хусусиятларга эга футболчи. Жарима майдони чизиғи атрофидаги яккама-якка вазиятларда у энг хавфли ўйинчилардан бири.
У 60 дақиқа, 70 дақиқа ёки қанча вақт ўйнашидан қатъи назар, бизга керак. Клубга келганидан бери жуда яхши ўйнаяпти. Мавсум бошланиши ўзи хоҳлагандек кечмаган бўлса-да, биз ҳали ҳам унга жуда муҳтожмиз», — деди аргентиналик мутахассис.
28 ёшли нигериялик вингер жорий мавсумдаги барча 6 та учрашувни асосий таркибда бошлади ва «Севилья»га қарши ўйинда гол урди.
