«Лацио» Италия А Сериясининг 5-турида сафарда «Венеция»ни 2:0 ҳисобида мағлуб этди.
Мезбонлар биринчи бўлимда ҳисобни очиш имкониятига эга бўлди, аммо Жон Йебоа пенальтидан унумли фойдалана олмади.
51-дақиқада Маттиа Дзакканьи 11 метрлик жарима зарбасини аниқ амалга ошириб, «Лацио»ни олдинга олиб чиқди. Орадан тўққиз дақиқа ўтиб, Тижани Нослин меҳмонлар устунлигини икки тўпга етказди.
Шу тариқа, «Лацио» мавсумнинг дастлабки беш турида тўртинчи ғалабасини қўлга киритди ва 13 очко билан А Серия турнир жадвалида учинчи ўринга кўтарилди.
«Венеция» эса кетма-кет бешинчи мағлубиятини қабул қилиб олди. Жамоа ҳали очко жамғара олмаган ва турнир жадвалининг сўнгги поғонасида қолмоқда.
