Эстебан Леполь Франция миллий терма жамоасига чақирув олди ва бу хабардан кейинги ҳис-туйғулари билан ўртоқлашди. Ўтган мавсумнинг энг яхши тўпурари бўлган «Ренн» футболчисининг айтишича, у аввало отасини эслаган.
«Менимча, унинг футболчилик фаолияти якунланаётган пайтда, эҳтимол, у ҳам терма жамоага чақирилиши мумкин эди. Ота-онам менга истаган ишим билан шуғулланиш имконини беришган. Бунинг учун улардан жуда миннатдорман», — дея Леполь сўзларини derbyderbyderby.it келтирмоқда.
Эслатиб ўтамиз, Эстебаннинг отаси Фабрис Леполь 2020 йилда йўл-транспорт ҳодисасида ҳалок бўлган. У футболчилик фаолияти давомида «Осер» шарафини ҳимоя қилган ва клуб билан Франция чемпиони бўлган.
Фабрис Леполь аввалги йўл-транспорт ҳодисаси оқибатлари сабаб футболчилик фаолиятини якунлашга мажбур бўлган эди. 2020 йилдаги иккинчи авария эса унинг ҳаётига зомин бўлди.
