Нони Мадуэке «Арсенал»ни яқин орада тарк этиши мумкинлиги ҳақида хабарлар тарқалмоқда.
24 ёшли вингер жорий мавсумда мунтазам ўйин амалиётига эга бўлаётгани йўқ. У август ўртасида «Манчестер Сити»га қарши Англия Суперкубоги учрашувидан бери асосий таркибда майдонга тушмади, Премьер-лигада эса жами 30 дақиқадан кам вақт ўтказди.
Football Insider маълумотига кўра, бир қатор инглиз клублари футболчининг вазиятини кузатиб бормоқда ва қишки трансфер ойнасида уни таркибига қўшиб олиш имкониятини кўриб чиқмоқда. Агар Микель Артета жамоасида Мадуэкенинг роли ўзгармаса, «Арсенал» футболчини январь ойида қўйиб юбориши мумкин.
