«Барселона» ярим ҳимоячиси Родри Эрнандес Рафинья Диаснинг йиллар давомидаги ўзгаришидан ҳайратда эканини айтди.

Бразилиялик футболчи тўрт йил аввал «Лидс»дан «Барселона»га ўнг қанот ҳужумчиси сифатида кўчиб ўтган. Кейинчалик у чап қанотда ҳам ўзини кўрсатди ва «ўнлик» позициясида синаб кўрилди. Жорий мавсумда эса марказий ҳужумчи сифатида ажойиб натижадорлик намойиш этмоқда — саккизта ўйинда 14 та гол ва 3 та голли узатма.

«Рафиньянинг “Лидс”даги ҳолатини эсласам... Ундаги ўзгариш ҳайратланарли. Ўшанда у ўнг қанотда ўйнар ва чап оёғида зарба бериш учун марказга силжирди. Ҳозир эса ҳақиқий ҳужумчига айланган: ҳаракатлари билан бўшлиқ яратади, ҳимоячилар ортига югуриб чиқади ва рақиб дарвозаси олдида жуда хавфли. Унинг жисмоний ҳолати ҳам ажойиб. Чап оёқда ҳам, ўнг оёқда ҳам, бош билан ҳам гол ура олади», — деди Родри.