«ПСЖ» бош мураббийи Луис Энрике жамоа футболчиларига муҳим хабар етказди. Испаниялик мутахассис сўнгги йилларда кўплаб совринлар қўлга киритилганидан кейин ўйинчиларнинг бўшашиб қолишини истамайди.
Энрике футболчиларга жамоада ҳеч кимнинг асосий таркибдаги ўрни кафолатланмаганини маълум қилган. Мураббий доимий равишда ротациядан фойдаланишни режалаштирмоқда.
Испаниялик мутахассис Хвича Кварацхелия ва Усмон Дембеле каби асосий футболчилар ҳам керакли даражада ўйин кўрсатмаса, ҳатто танаффусдаёқ алмаштирилиши мумкинлигини таъкидлаган.
The Touchline нашри L'Equipe маълумотига таяниб хабар беришича, Луис Энрике жамоа ичида максимал даражада рақобат муҳитини яратишни хоҳламоқда.
«ПСЖ» якшанба куни сафарда «Марсель»га қарши майдонга тушади.
