«Атлетико» ҳимоячиси Марк Пубиль «Реал»га қарши дерби олдидан юлдуз ҳужумчиларга қарши ўйин ҳақидаги саволга жавоб берди.
«Мбаппе, Винисиус ва Беллингемга қарши ўйнашдан қўрқаманми? Улар ажойиб футболчилар ва уларнинг жамоаси ҳам кучли. Аммо биз ҳам кучлимиз ва майдонда уларни мағлуб этишга ҳаракат қилиб, бор кучимиз билан курашамиз. Шунинг учун йўқ — ҳеч қандай қўрқув йўқ», — дея Пубильнинг сўзларини Marca келтиради.
«Атлетико» ва «Реал» Испания Ла Лигасининг 7-туридаги учрашувни Тошкент вақти билан 19:15 да бошлайди.
«Реал» Испания чемпионатининг дастлабки 6 турида 15 очко жамғарган.
