«Бавария» ва Англия терма жамоаси ҳужумчиси Харри Кейн одамлар хотирасида қандай футболчи сифатида қолишни хоҳлаши ҳақидаги саволга жавоб берди.
«Мени жамоа манфаатларини доимо биринчи ўринга қўйган футболчи сифатида эслашларини хоҳлайман. Жамоадошларини ҳурмат қилган инсон сифатида. Сиз ҳеч қачон ўз жамоангиз, клубингиз ёки терма жамоангиздан муҳимроқ бўла олмайсиз», — дея Кейннинг сўзларини The Touchline келтиради.
2026/2027 йилги мавсумда Харри Кейн «Бавария» сафида 7 та учрашув ўтказди. Ушбу ўйинларда ҳужумчи 6 та гол урди ва 1 та голли узатмани амалга оширди.
Айни пайтда «Бавария» Бундеслига турнир жадвалида 2-ўринда бормоқда.
