Франциянинг «ПСЖ» клуби раҳбарияти бир нечта юлдуз футболчилар билан ҳамкорликни узайтириш бўйича музокара олиб бормоқда. Бу ҳақда L’Équipe хабар бермоқда.
Журналистлар маълумотига кўра, Париж клуби Хвича Кварацхелия, Усман Дембеле ва Дезире Дуэ билан шартномаларни узайтиришга қарор қилган.
Париж клуби ўтган мавсумда Лига 1 чемпиони ва УЕФА Чемпионлар лигаси ғолиби бўлди. Луис Энрике шогирдлари нуфузли Европа кубогини кетма-кет иккинчи марта қўлга киритди.
«ПСЖ» Франция чемпионатининг янги мавсумини муваффақиятсиз бошлади. Пойтахт жамоаси 4 та учрашувдан сўнг турнир жадвалида 9-ўринни эгаллаб турибди.
