Мадриднинг «Реал» клуби собиқ бразилиялик футболчиси Родриго Фабри «қироллик клуби» ва Бразилия терма жамоаси ҳужумчиси Винисиус Жуниорга мухлисларнинг муносабати ҳақида фикр билдирди. Аввалроқ форвард «Сантьяго Бернабеу» стадионида мухлислар томонидан бир неча бор хуштакбозликка учраган эди.
«Бу унчалик нормал ҳолат эмас, гарчи барчамиз «Реал»да талаблар қанчалик юқори эканини билсак-да. Вини менга ажойиб ўйинчи бўлиб кўринади, аммо мен уни ҳақиқий гений деб ҳисобламайман. Шунга қарамай, у ҳужумда Бразилияда бор бўлган энг яхши футболчимиздир», — деб келтиради Фабрининг сўзларини Mundo Deportivo.
Жорий мавсумда Винисиус клуб сафида барча турнирларда еттита ўйинда майдонга тушиб, битта гол урди ва учта голли узатмага муаллифлик қилди. Transfermarkt портали форвардни 140 миллион еврога баҳоламоқда.
