«Ливерпуль» «Брайтон»нинг қанот ҳужумчиси Янкуба Минте билан келаётган қишда шартнома имзолаш вариантини кўриб чиқмоқда, фақат бунинг учун жамоадан вингер Коди Гакпо кетиши керак. Бу ҳақда Sport Witness хабар бермоқда.
Манба маълумотига кўра, мерсисайдликларнинг 22 ёшли футболчига бўлган қизиқиши у жароҳатдан сўнг қанчалик юқори даражадаги футбол намойиш эта олишига ҳам боғлиқ. Таъкидланишича, гамбиялик вингер яқин икки-уч йил ичида АПЛни тарк этиш ниятида эмас.
Ўтган мавсумда Минте барча турнирларда 36 та ўйинда майдонга тушиб, учта гол урди ва тўртта голли узатмага муаллифлик қилди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор қиймати 45 миллион еврони ташкил этади.
