«Милан» бош мураббийи Рубен Аморим матбуот билан очиқча ва тўғридан-тўғри мулоқот қилиш услуби клуб учун муаммолар туғдириши мумкинлигини тан олди. Португалиялик мутахассис бундай ёндошувнинг ҳам ижобий, ҳам салбий томонларини англаб турганини таъкидлади.

«Баъзида бу яхши, ўйлашимча, биз ривожланишимиз керак, чунки одамлар аҳмоқ эмас, улар ҳақиқатга дош бера олишади, аммо баъзида ўзингни ғалати ёки ноқулай аҳволга солиб қўйишинг ҳам мумкин. шунинг учун нима бераётганинг ва нима олаётганингни ҳисобга олишинг ҳамда вазиятга мослашишинг керак».

Аморим, шунингдек, омадсиз натижалар сериясидан сўнг «Милан»га бўлаётган ва тобора ортиб бораётган босим ҳақида ҳам тўхталиб ўтди.

«Босим — бу нормал ҳолат. Агар сен бу даражага етиб келган бўлсанг, демак, фаолиятингда бундан ҳам катта босим бўлган лаҳзалар ўтган. Биз шунчаки давом этишимиз керак, чунки жуда кўп яхши ишларни амалга оширяпмиз. Баъзида одамлар фақат ёмон ёки салбий томонларга қарашади, аммо биз баъзи нарсаларни тўғри бажаряпмиз ва ҳар бир ўйинда позитив бўлишга ҳаракат қиляпмиз. Биз ҳаракатни давом эттиришимиз ва янада яхшироқ бўлишга интилишимиз керак».