Англия терма жамоаси ва Лондоннинг "Арсенал" клуби етакчиларидан бири Деклан Райс яқиндаги халқаро танаффус даврида "уч шерлар" сафида майдонга тушмайди.
The Athletic хабарига кўра, бунинг сабаби оддий — футболчига дам беришга қарор қилинган. Эслатиб ўтамиз, Райс ўтган ёзда жаҳон чемпионатида Англия терма жамоасининг барча саккизта учрашувида майдонга тушган. Август ойидан бошлаб эса у клуби сафида АПЛ ва Чемпионлар лигаси баҳсларида мунтазам равишда асосий таркибда ўйнаб келмоқда.
Аввалроқ "Челси"нинг асосий футболчиларидан бири Коул Палмер ҳам Англия терма жамоаси йиғинига бормаслиги ҳақида хабарлар тарқалган эди. Шу билан бирга, Палмер Шимолий Америкада ўтказилган жаҳон чемпионатида ҳам Англия таркибидан жой олмаган.
Англия терма жамоаси сентябрь ва октябрь ойларида УЕФА Миллатлар лигаси доирасида Испания, Хорватия ва Чехияга қарши ўйинлар ўтказади. Чехия терма жамоаси билан икки марта баҳс бўлиб ўтади.
