Машҳур англиялик собиқ футболчи Гари Линекер «Манчестер Юнайтед» клуби тузилмасидаги инқироз ҳақида фикр билдирди.
Собиқ ҳужумчи 2024 йил бошида клуб бошқарувида фаол иштирок эта бошлаган ҳаммулкдор Жим Рэтклиффни кескин танқид қилди.
«Мен «Манчестер Юнайтед»га қараб, муаммолар юқоридан бошланаётганини кўряпман. Глейзерларни табрикламоқчиман — улар ўзларидан ҳам ёмонроқ одамни топиб, ҳамма айбни унинг зиммасига юклаш учун клубга олиб келишди.
Мен Жим Рэтклиффни назарда тутяпман. Менимча, у унчалик ёқимли одам эмас. Клубда ҳозир тўлиқ тартибсизлик ҳукм сурмоқда», — деди Линекер The Rest Is Football подкастида.
«Манчестер Юнайтед» Премьер-лигада беш турдан кейин 5 очко тўплаган ҳолда турнир жадвалида 12-ўринни эгаллаб турибди.
