Англия терма жамоаси бош мураббийи Томас Тухель "Арсенал"нинг 16 ёшли вингери Макс Доуманни миллий жамоага чақириш имкониятини кўриб чиқмоқда. Бу ҳақда The Sun хабар берди.

Манба маълумотига кўра, бу ғоя Тухельда Миллатлар лигасининг яқин ўйинлари олдидан бир қатор футболчилар терма жамоа йиғинига кела олмаслиги маълум бўлганидан кейин пайдо бўлган.

Деклан Райс, Коул Палмер, Маркус Рэшфорд, Кобби Майну ва Тино Ливраменто йиғинда иштирок этмайди.

Айни пайтда Англиянинг 19 ёшгача бўлганлар терма жамоасига жалб этилган Макс Доуман асосий миллий жамоага чақирилишга умид қилмоқда. Бироқ Тухель ҳали якуний қарор қабул қилмаган.

Англия терма жамоаси навбатдаги учрашувини 26 сентябрь куни Испанияга қарши ўтказади. Баҳс Тошкент вақти билан соат 23:45 да бошланади.