«Галатасарой»нинг собиқ ҳужумчиси Мауро Икарди Лондоннинг «Тоттенхэм» клуби футболчисига айланмайди. Бу ҳақда Football Insider хабар берди.

Аввалроқ Англия клуби 33 ёшли футболчини таркибга жалб қилиш имкониятини кўриб чиқаётгани маълум қилинган эди.

Бироқ манба маълумотига кўра, «Тоттенхэм» айни пайтда эркин агент мақомида бўлган Икардини таклиф қилмасликка қарор қилган.

Икардининг сўнгги клуби Туркиянинг «Галатасарой» жамоаси бўлган. У 2022 йилдан 2026 йилга қадар мазкур клуб шарафини ҳимоя қилган.

Шу вақт мобайнида аргентиналик ҳужумчи барча мусобақаларни ҳисобга олганда 134 та учрашувда майдонга тушиб, 77 та гол урган ва 25 та голли узатма амалга оширган.