«Ювентус» собиқ ярим ҳимоячиси Клаудио Маркизионинг 17 ёшли ўғли Давиде Маркизио клуб билан илк профессионал шартномасини имзолади. Томонлар 2028 йилгача мўлжалланган битимга келишган. Давиде 2009 йил 31 августда туғилган бўлиб, «Ювентус» академиясида ярим ҳимоячи сифатида фаолият юритмоқда. 

Ўтган мавсумда у 17 ёшгача бўлганлар жамоаси сафида 23 та учрашувда иштирок этиб, 3 та гол урган. Улардан бири «Торино»га қарши Дерби делла Моле баҳсида киритилган. Шунингдек, мавсум якунига яқин Давиде «Ювентус»нинг асосий жамоаси машғулотларида ҳам иштирок этган.

Давиде ижтимоий тармоқда шартнома имзолаганидан мамнунлигини билдириб, болалигидан орзу қилган ва севган жамоасида профессионал футболчи бўлганидан фахрланишини айтди. У «Ювентус» учун бор кучини беришини ва янада ривожланишга интилишини таъкидлаган.