«Трабзонспор» Германия терма жамоасининг собиқ ҳимоячиси Жером Боатенг билан ҳамкорлик қилиш бўйича келишувга эришди. Бу ҳақда Ajansspor хабар берди.
Боатенг жамоанинг янги бош мураббийи Томас Райснинг ёрдамчиларидан бири бўлади. Немис мутахассиси сентябрь ойи ўрталарида Фотиҳ Текке ўрнини эгаллаган эди.
Манба маълумотига кўра, Боатенг яқинда Трабзон шаҳрига келиб, клуб президенти Эртуғрул Доған бошчилигидаги раҳбарият билан учрашув ўтказган.
Боатенг 2024/25 йилги мавсумдан сўнг футболчилик фаолиятини якунлаган. У фаолияти давомида, жумладан, «Бавария» шарафини ҳимоя қилган ва мюнхенликлар билан икки марта Чемпионлар лигасида ғолиб чиққан, шунингдек, тўққиз бор Германия чемпиони бўлган.
