Лондоннинг «Арсенал» клуби бош мураббийи Микель Артета тез орада клуб билан янги шартнома имзолайди.
Томонлар келишувни узайтириш бўйича келишувга эришишгани ҳақида бироз аввал маълум бўлган эди. Нуфузли инсайдер Фабрицио Романонинг хабар беришича, битим тўрт йилга мўлжалланади. Испаниялик мутахассиснинг амалдаги шартномаси жорий мавсум якунида ўз ниҳоясига етади.
Микель Артета «канонирлар»ни 2019 йилнинг охиридан бери бошқариб келмоқда. Ўтган мавсумда Лондон гранди 22 йил ичида илк бор Англия Премьер-лигаси ғолибига айланди, шунингдек, Чемпионлар лигаси финалига қадар етиб бориб, у ерда фақат пенальтилар сериясида «ПСЖ»га имкониятни бой берди.
