«Манчестер Юнайтед» 15 ёшли истеъдод Жей-Жей Габриэлни «Олд Траффорд»да олиб қолиш учун ҳал қилувчи икки ҳафта олдида турибди. Ёш футболчига Европанинг бир қатор топ-клублари қизиқиш билдирмоқда.

Габриэль 6 октябрь куни 16 ёшга тўлади. Шундан сўнг у расмий агент билан ишлаш ҳуқуқига эга бўлади ва Ирландия паспорти орқали хорижий клублар билан шартнома имзолаш имконияти пайдо бўлади.

«Реал», «Барселона» ва «Пари Сен-Жермен» футболчининг вакиллари билан аллақачон музокаралар ўтказган.

Габриэль катталар футболига ўтиш учун аниқ режа бўлишини хоҳламоқда. У яқинда УЕФА Ёшлар лигаси ўйинида хет-трик қайд этганидан кейин клуб машғулотларида қатнашмай қўйган.

«Манчестер Юнайтед» эса ёш ҳужумчини жуда кам товон пули эвазига йўқотиб қўймасликка ҳаракат қилмоқда.

Габриэл 2025/2026 йилги мавсумда Англия Премьер-лигасининг U18 чемпионатида 21 та ўйинда 20 та гол урган.