Швед марказий ҳужумчиси Виктор Дьёкереш Лондоннинг «Арсенал» клубидаги ўз мавқеидан норози. Скандинавиялик футболчи январь ойидаги трансфер ойнасида жамоасини ўзгартириши мумкин.

Daily Briefing нашрининг хабар беришича, ҳужумчининг агенти «Милан», «Ювентус», «Ал-Аҳли» ва «Ал-Иттиҳод» клублари билан дастлабки музокараларни ўтказиб бўлган.

Дьёкереш «канонирлар» сафига ўтган йилнинг ёзида Лиссабоннинг «Спортинг» клубидан келиб қўшилган эди, бироқ жамоанинг асосий марказий ҳужумчисига айлана олмади. Ушбу мавсумда Микель Артета германиялик Кай Хаверцга ишонч билдирмоқда.

Викторнинг бозор қиймати 65 миллион еврони ташкил этади. Унинг шартномаси 2030 йилнинг июнь ойи охиригача мўлжалланган.