Германия терма жамоаси дарвозабони Марк-Андре тер Штеген Мануэль Нойерни иккинчи фарзанди дунёга келгани билан ҳали табрикламаганини тан олди.

«Мануэль яқинда иккинчи бор ота бўлди, шунинг учун мен уни табриклашим керак. Мен ҳали буни қилганим йўқ. Кечирасиз!» — деди тер Штеген Bild нашрига.

Дарвозабоннинг сўзларига кўра, улар охирги марта йил бошида мулоқот қилишган.

«Биз қисқа таътил вақтида кўришган эдик. Аммо бу Жаҳон чемпионатидан олдин эди, шунинг учун анча вақт ўтиб кетди».

У шунингдек «Бавария»да ўйнашда давом этаётган Нойер ҳақида ижобий фикр билдирди.

«Албатта, унинг соғ-саломат экани ва ҳали ҳам ўйнай олаётгани ажойиб. Мануэль — немис футболи афсонаси».

Германия терма жамоаси сафида 44 та ўйин ўтказган тер Штеген Юрген Клопп қўл остидаги жамоанинг асосий дарвозабони ҳисобланади. Нидерландияга қарши ўйинда унинг 2025 йилдан бери илк бор терма жамоада майдонга тушиши кутилмоқда.