«Барселона» футболчиларининг дастхатлари айрим мухлислар учун даромад манбаига айланди.
The Touchline хабарига кўра, одамлар ўйинчининг футболкага дастхат қўйиб беришига эришиш учун клуб машғулот базасига махсус келишмоқда, шундан сўнг ушбу либосни сотувга қўйишмоқда. Бунда нархдаги фарқ жуда катта бўлиши мумкин. Футболчи дастхатидан сўнг 15 евро атрофида турадиган футболка 300-400 еврога сотилиши мумкин.
«Барселона» ўйинчилари бундай амалиёт ҳақида аллақачон хабардор. Уларнинг баъзилари имзо чекишдан олдин мухлиснинг исмини сўрашни бошлашди. Шахсий ёзув (исмга йўналтирилган дастхат) кейинчалик қайта сотишда буюмнинг қийматини пасайтиради.
Ҳозирда «Барселона» Ла Лигада пешқадамлик қилмоқда. Энг сўнгги турга келиб, жамоа кетма-кет еттита ғалабани қўлга киритиб, 21 очко тўплаган.
