«Наполи» президенти Аурелио Де Лаурентис жамоанинг собиқ бош мураббийи, ҳозирда «Ювентус»ни бошқараётган Лучано Спаллеттини танқид қилди.
«Мени Спаллетти ҳақида гапиришга мажбур қилманг. Мураббийлар шуни тушунишлари керакки, улар футболчилардан иборат оркестрни бошқариш учун ёлланган ходимлардир. Барибир улар ёлланма ходим бўлиб қолаверади. Баъзида улар буни унутиб қўйишади. Фикримни аниқ тушунтира олдимми?» — деди Лаурентис Football Italy нашрига.
Спаллетти 2023 йилда «Наполи» билан Италия чемпионатида ғолиб чиқди, шундан сўнг клубни тарк этди ва орадан кўп ўтмай Италия терма жамоасини бошқара бошлади. Бу мураббий ва Неаполь клуби президенти ўртасида жиддий низога сабаб бўлган эди.
