"Пари Сен-Жермен" футболчиси Хвича Кварацхелия Луис Энрике билан ишлаш унинг ўйинига қандай таъсир кўрсатгани ҳақида гапирди.
Грузиялик футболчи 2025 йил бошида "Наполи"дан Париж клубига ўтган эди.
"Мен Энрикедан жуда кўп янги нарсаларни ўргандим ва футболни анча яхшироқ тушуна бошладим. Руҳий ва жисмоний жиҳатдан ҳам сезиларли ўсдим. Олган барча билимларимни ҳисобга олсак, хоҳласам, бугуноқ мураббий бўлишим мумкин.
Энрике билан ишласанг, ҳар куни янги нарса ўрганасан. У футболчиларни бутунлай ўзгартиради. Ҳатто майдонга атиги бир дақиқага туширилсанг ҳам, доимо тайёр бўлишинг керак. Бундай мураббий билан ишлаганда сенинг вазифанг оддий: уни тинглаш, кўрсатмаларга амал қилиш ва 100 фоиз кучингни бериш", – деди 25 ёшли вингер. Унинг сўзларини "Actu Foot" келтирди.
Хвича Кварацхелия "ПСЖ" сафида тўққизта соврин қўлга киритган. Улар орасида иккита Чемпионлар лигаси кубоги ҳам бор.
