"Бавария"нинг собиқ футболчиси Лотар Маттеус бу йилги "Олтин тўп" учун курашда кимни қўллаб-қувватлашини айтди.
"Менимча, Килиан Мбаппега бу совринни қўлга киритиш учун нимадир етишмаяпти. У ўтган мавсумда "Реал" билан бирорта ҳам соврин ютмади. Ямал иккита титулни қўлга киритди, аммо мавсумни унчалик ёрқин ўтказмади. Шунинг учун мен Кейнни қўллаб-қувватлайман. Гарри ажойиб ўйин кўрсатди ва жуда юқори натижадорлик қайд этди. Бундан ташқари, унинг имижи ҳам яхши", – деди Маттеус.
"Олтин тўп"ни топшириш маросими 26 октябрь куни Лондонда бўлиб ўтади.
Ўтган йили ушбу нуфузли индивидуал совринни франциялик вингер Усмон Дембеле қўлга киритган эди.
