Ўзбекистон ўсмирлар терма жамоаси 30 сентябрь куни Испаниядаги халақро турнирда ўзининг биринчи учрашувини ўтказади.
Дилшод Нуралиев бош мураббийлигидаги Ўзбекистон U-17 ўсмирлар терма жамоаси 30 сентябрь - 4 октябрь кунлари Испаниянинг Марбелья шаҳрида бўлиб ўтадиган халқаро турнирда иштирок этиши ҳақида аввалроқ хабар берган эдик.
Ўсмирлар ўртасидаги (U-17) жаҳон чемпионатига тайёргарлик кўраётган Ўзбекистон U-17 ўсмирлар терма жамоаси 30 сентябрь - 4 октябрь кунлари Испаниянинг Марбелья шаҳри мезбонлик қиладиган U-17 ўсмирлар терма жамоалари ўртасидаги халқаро турнирда иштирок этади. Мазкур мусобақада, Ўзбекистон ўсмирлар терма жамоасидан ташқари Аргентина, Кот д‘ Ивуар ҳамда Мексика ўсмирлар (U-17) терма жамоалари қатнашади.
Таъкидлаш жоиз, юқорида номлари келтирилган терма жамоаларнинг барчаси шу йилнинг октябрь ойида БАА мамлакатида старт оладиган U-17 ўсмирлар ўртасидаги жаҳон чемпионати финал босқичи иштирокчилари саналишади.
30 сентябрь, душанба куни Ўзбекистон U-17 ўсмирлар терма жамоаси Кот д‘ Ивуар (U-17) ўсмирлар терма жамоасига қарши турнирдаги илк ўйинда майдонга тушади. Испаниядаги халқаро турнир Нуралиев шогирдлари учун октябрь ойида бошланадиган ўсмирлар ўртасидаги жаҳон чемпионати баҳслари олдидан сўнгги тайёргарлик вазифасини ўтаб беради.
U-17 ўсмирлар ўрастидаги Халқаро турнир.
30 сентябрь - 4 октябрь. Марбелья, Испания
30 сентябрь.
Ўзбекистон (U-17) - Кот д‘ Ивуар (U-17)
2 октябрь.
Ўзбекистон (U-17) - Мексика (U-17)
4 октябрь.
Аргентина (U-17) - Ўзбекистон (U-17)
