Франция терма жамоаси бош мураббийи Зинедин Зидан УЕФА Миллатлар лигаси 1-туридан ўрин олган Туркияга қарши ўйин олдидан Дидье Дешамнинг 14 йиллик фаолиятидан кейин жамоа ҳаётида бошланган янги босқич ҳақида гапирди.

«Дидье Дешамнинг 14 йиллик фаолиятидан кейин биз ҳаракатимизни давом эттирамиз. Бу ерда энг муҳими — футболчилар. Мен ўз ишимни бажаришга, футболчилар билан биргаликда ўйинни шакллантиришга ва ғалаба қозонишга ҳаракат қиламан. Мени энг кўп қизиқтирадиган нарса ҳам шу.

Мен кўраётган нарсалардан мамнунман. Вазифаларимиздан бири ҳали терма жамоага чақирилмаган ёш футболчиларни кўриб чиқиш эди. Франция терма жамоаси эшиклари барча учун очиқ. Бизда тажрибали футболчилар ҳам, ёшлар ҳам бор яхши жамоа шаклланган. Бу жуда яхши», — деди Зидан УЕФА расмий сайтига берган интервьюсида.

УЕФА Миллатлар лигаси А лигаси 1-гуруҳ 1-туридан ўрин олган Туркия — Франция учрашуви 25 сентябрь куни бўлиб ўтади. Баҳс Тошкент вақти билан 23:45 да бошланади.