«Барселона» ярим ҳимоячиси Фермин Лопес жамоадоши Ламин Ямалнинг клуб учун қанчалик муҳим футболчи эканини таъкидлади.

«Ямал — «Барселона» учун жуда муҳим футболчи. Бундан ташқари, у менинг дўстим.

Мен унга имкони борича қулай узатмалар беришга ҳаракат қиламан, токи у тўпни қабул қилиб, ҳужумни давом эттириши осон бўлсин.

Унинг атрофида деярли доимо уч нафар рақиб футболчиси бўлади. Шунинг учун мен бўш ҳудудларни топишга ва вазиятдан фойдаланишга ҳаракат қиламан», — деди Фермин.

19 ёшли Ямал жорий мавсум барча мусобақаларни ҳисобга олганда 8 та учрашувда майдонга тушиб, 8 та гол урди ва 6 та голли узатма амалга оширди.

«Барселона» эса Ла Лиганинг 7 туридан кейин 21 очко билан турнир жадвалида пешқадамлик қилмоқда.