Нидерландия терма жамоаси ҳимоячиси Дензел Дюмфрис Миллатлар лигасида Германияга қарши 1:1 ҳисобида якунланган учрашувда ўтказиб юборилган баҳсли гол ҳақида фикр билдирди.

Биринчи бўлимда Брайан Бробби жароҳат олиб, майдон марказида ётиб қолди. Нидерландия футболчилари ўйин тўхтатилишини кутди, аммо ҳакам Алехандро Эрнандес Эрнандес баҳсни давом эттирди.

Германия футболчилари ҳам ҳужумни тўхтатмади ва вазият Феликс Нмечанинг голи билан якунланди. Шундан сўнг икки жамоа футболчилари ўртасида тортишув юзага келди.

«Бу вазиятдан сабоқ олишимиз керак. Чап қанотдаги Шаде ўйинни тўхтатадигандек ҳаракат қилди. У менга қараб турди ва гўё тўхтайдигандек туюлди. Кейин эса тўпни Киммихга узатди.

Киммихни яхши биламиз. У жаҳон даражасидаги футболчи, аммо унинг бундай ҳаракатларини ҳам биламиз. У ўйинни давом эттирди.

Лекин бундай ҳолат биз билан содир бўлмаслиги керак. Ўша вазиятда яхшироқ ҳаракат қилишимиз лозим эди. Буни албатта жамоа ичида муҳокама қиламиз.

Барибир бу ҳаракатни тўлиқ спортга хос деб бўлмайди. Айни шу эпизод таъсир қилди ва улар голни ҳам шундай урди.

Бизнинг Виржил ван Дейк урган голимиз эса бекор қилинди. У ерда нима бўлганини тўлиқ кўрмадим. Улар эса аксинча, мана шундай вазиятдан гол уришди.

Бундай ҳолат биз билан яна такрорланмаслиги керак. Балки биз ҳам баъзан шундай йўл тутишимиз керакдир», — деди Дюмфрис.