«Фламенго» спорт директори Жозе Бото «Милан» бош мураббийи Рубен Аморим ҳақида илиқ фикр билдирди. Бото португалиялик мутахассисни «Бенфика»даги фаолиятидан яхши танийди. Айни пайтда у «Милан»нинг спорт директори лавозими учун кўриб чиқилаётган уч номзоддан бири сифатида тилга олинмоқда.

«Аморим ўзига хос футбол қуради. Бунинг учун вақт ва мос футболчилар керак. Албатта, “Милан” ғалаба қозониши лозим, аммо жамоага итальян футболига, футболчиларга эса унинг услубига мослашиш учун вақт бериш керак. Агар унга шундай имконият берилса, “Милан” яна муҳим мақсадлар учун кураша олади», — деди Бото.

У ўзининг келажаги ҳақида ҳам гапирди. «Фламенго» билан шартномаси борлигини таъкидлаган Бото Европа футболига қайтса, Италияда ишлаш уни қизиқтиришини айтди.

«Италия футболи мени ўзига жалб қилади. Спорт директори лавозими бу ерда бошқа мамлакатларга қараганда юқорироқ қадрланади», — деди «Фламенго» директори.