«Милан»дан «Лион»га ижарага берилган Захари Атекаме жорий мавсумни Франция клубида муваффақиятли бошлаганига қарамай, келажагини Италия жамоаси билан боғлаётганини айтди.
22 ёшли швейцариялик ҳимоячи «Лион» сафида олтита учрашувда икки гол ва икки голли узатма қайд этди. У «Милан»даги биринчи мавсумини ҳам ижобий баҳолаб, жамоа сафида ўйнаганидан мамнун бўлганини таъкидлади.
"Мен "Милан" футболчисиман. Ҳозир “Лион”даман, аммо қайтишни истардим", — деди Атекаме.
«Милан» футболчини сотиб олиш ҳуқуқисиз ижарага берган. Бу қарорнинг асосий мақсади Атекамега кўпроқ ўйин амалиёти тақдим этиш бўлган.
