Ёзги трансфер ойнасида «Барселона» ҳимоячиси Рональд Араухо «Ливерпуль»га ижарага ўтди. Шартномага кўра, инглиз клуби уругвайлик футболчини 55 миллион евро эвазига тўлиқ сотиб олиши мумкин.
«Барселона» Араухони кузатиб бормоқда, аммо уни қайтариш ниятида эмас. Ханс-Дитер Фликка бошқа услубдаги ҳимоячилар маъқул ва немис мутахассиси Араухони режаларига киритмаяпти. Каталония клуби учун асосий мақсад — «Ливерпуль» 55 миллион евролик сотиб олиш бандидан фойдаланиши ва ушбу маблағни тўлаши. «Барселона» бу пулни олишни аллақачон режалаштирган.
«Ливерпуль» Араухонинг ўйинидан мамнун. 27 ёшли футболчи эса Англияда ўзининг кучли жиҳатларини намойиш этиши учун қулай шароитга эга бўлган.
