«Бавария» кузатув кенгаши аъзоси Карл-Хайнц Румменигге мюнхенликлар клуби футболчиси Майкл Олисени «Барселона» аъзоси Ламин Ямаль билан солиштирди.

«У ўз позициясида истисноий маҳоратга эга футболчи. Иккита бўлакча ажралиб турувчи ўйинчи бор — Олисе ва Ламин Ямаль. Ҳозирги кунда Олисе анча пишиқ-пухта ўйин кўрсатмоқда деб айтган бўлардим», — деди Румменигге Abendzeitung манбасига берган интервьюсида.

Шунингдек, Румменигге Олисенинг журналистлар билан мулоқот қилишни хоҳламагани сабабли танқид қилинаётганига ҳам муносабат билдирди.

«Футболчи интервью беришда эмас, балки майдонда ўзини кўрсатишини афзал кўраман. Менинг назаримда, баъзи ОАВ буни ҳақиқий кампанияга айлантириб юборишди. Маълумотимга кўра, унда узун-узун интервьюлар бериш бўйича шартномавий мажбурият йўқ».

Жорий мавсумда 24 ёшли франциялик вингер 7 та ўйинда 8 та гол уриб, 4 та голли узатмага муаллифлик қилди.