«Bavariya» kuzatuv kengashi a’zosi Karl-Xayns Rummenigge myunxenliklar klubi futbolchisi Maykl Oliseni «Barselona» a’zosi Lamin Yamal bilan solishtirdi.

«U o‘z pozisiyasida istisnoiy mahoratga ega futbolchi. Ikkita bo‘lakcha ajralib turuvchi o‘yinchi bor — Olise va Lamin Yamal. Hozirgi kunda Olise ancha pishiq-puxta o‘yin ko‘rsatmoqda deb aytgan bo‘lardim», — dedi Rummenigge Abendzeitung manbasiga bergan intervyusida.

Shuningdek, Rummenigge Olisening jurnalistlar bilan muloqot qilishni xohlamagani sababli tanqid qilinayotganiga ham munosabat bildirdi.

«Futbolchi intervyu berishda emas, balki maydonda o‘zini ko‘rsatishini afzal ko‘raman. Mening nazarimda, ba’zi OAV buni haqiqiy kampaniyaga aylantirib yuborishdi. Ma’lumotimga ko‘ra, unda uzun-uzun intervyular berish bo‘yicha shartnomaviy majburiyat yo‘q».

Joriy mavsumda 24 yoshli fransiyalik vinger 7 ta o‘yinda 8 ta gol urib, 4 ta golli uzatmaga mualliflik qildi.